Започнете↗︎Изработка на онлајн продавница: што ви треба и колку чини
Сè повеќе луѓе во Македонија купуваат преку интернет, а многу бизниси сè уште продаваат само преку пораки на Facebook и Instagram. Тоа функционира додека нарачките се малку. Кога ќе се зголемат, одговарањето на секоја порака поединечно станува бавно и купувачите се откажуваат. Онлајн продавницата го решава тоа: купувачот сам ги гледа производите и цените и може да нарача во секое време.
Онлајн продавница или е-каталог?
Онлајн продавницата има кошничка и нарачка: купувачот избира производи, внесува податоци за достава и ја испраќа нарачката. Е-каталогот ги прикажува производите и цените, но наместо нарачка има копче за повик, порака или барање понуда. Е-каталог е добар избор за бизниси каде што цената зависи од количината или мерката, на пример градежни материјали или мебел по мерка.
Кај нас и двете се во ист пакет, па можете да започнете како каталог, а подоцна да ги вклучите нарачките.
Што треба да подготвите
- Список на производи со име, цена и категорија. Најлесно е во Excel табела.
- Фотографии од секој производ. Добрите фотографии продаваат подобро од секој опис.
- Кратки описи: димензии, материјал, бои, што е вклучено.
- Начин на плаќање. Плаќањето при достава е најчесто во Македонија и е најлесно за почеток. Плаќањето со картичка бара договор со банка или платежен провајдер.
- Достава: со која курирска служба работите, колку чини и за колку дена стигнува.
- Услови за враќање и замена на производите.
Колку чини изработката
Нашиот пакет за онлајн продавница / е-каталог чини 630€ (фиксна цена) и вклучува:
- внесување до 50 производи
- дизајн на продавницата по мерка
- прилагодување за мобилни телефони
- основна SEO оптимизација
- автоматски ажурирања и безбедна, стабилна веб-страница
Дополнително: секои нови 20 производи +50€, дополнителен јазик +100€, блог +50€. Поддршката по барање е 30€ на час. За целосен преглед на цените прочитајте Колку чини изработка на веб-страница во Македонија.
Колку трае
Продавница со помалку производи е готова за околу 2 недели, а поголемите проекти траат 3–4 недели. Најмногу зависи од тоа колку брзо ќе ги добиеме производите, фотографиите и описите.
Продавницата е готова. Што понатаму?
Онлајн продавница без посетители е како продавница на празна улица. Првите купувачи најбрзо доаѓаат преку Facebook и Instagram реклами што водат директно до производот. Колку чини тоа прочитајте во Колку чини рекламирање на Facebook и Instagram. Со текот на времето, добро опишаните производи почнуваат да носат посетители и од Google.
Најчести грешки
- Фотографии сликани со телефон на лошо светло.
- Производи без цена, само со „пишете ни за цена“.
- Нејасни трошоци за достава што се појавуваат дури на крајот.
- Комплицирана нарачка со премногу полиња.
Ви треба веб-страница?
Пакети со фиксни цени од 230€. Основните веб-страници се готови за 1–2 недели.